بياع البلح والتين...
يا محمّل على الكتفين...
حلفتك يا عم تهدّى...
وتناول لنا الصنفين...
ده المغرب علينا مقرب...
والمدفع يا عم هيضرب ...
واخواتى التلاته زمانهم...
جايين م الميدان صايمين...
بعتولنا تلات جوابات ..
بيقولوا انهارده ميعاد...
والصدفه يا عم ساعات...
بتقرّب بلاد لبلاد...
جايين انهارده اخواتى ...
وعشانهم باعد ساعاتى..
ويا دوب حبتين والمدفع ...
راح يدّن على الصايمين...
والسفرة اللى بفرشهالهم...
ينقصها البلح والتين...
وحيات الأدان وصيامك...
لتشهل بإيدك حبّه...
واستعجل يا عم صيامك...
دى الشمس ف سماها غاربه...
جايين انهارده اخواتى ..
وعشانهم باعد ساعاتى..
ويا دوب حبتين والمدفع..
راح يضرب على الصايمين..
والسفرة اللى بفرشهالهم ..
ينقصها البلح والتين....
*************************
غنوة لرمضان ...
كل لحظه وحضراتكم بخير وسعات..
اللهم بلغنا رمضان ...
ليست هناك تعليقات:
إرسال تعليق