&& (مابتشبهيش لحد) && بقلم الشاعر / محمد العربي

((مابتشبهيش لحد))
============
مابتشبهيش لحد
ماجبتش زيك أرض
ولاينفع حتي أوصفك
بجمال وعطرالورد
مابتشبهيش لحد
يقولوا هما قمر
ويكتبوا الاشعار
ويرسموكي ع الشجر
أميرة بلون النهار
أكدب أنا الخبر
وأقول بأختصار
من غير ذيادة في السرد
مابتشبهيش لحد
في كل شيئ فريدة
حتي ضحكة عنيكي
علي الدنيا جديدة
كل حاجة فيكي
ولاكمان الطيبة
أكتر واكتر بتحليكي
يالي للنسمة أنتصارها ع الشرد
مابتشبهيش لحد
الطير في السما بيغني
يعزف ألحان كروان
والسما بالفرحة بتشتي
وتمطر حب وحنان
ودا بس لما بتهلي
بيضحك من قلبه الزمان
والفرحة بيبقي فرحة بجد
مابتشبهيش لحد