أسمي بين السطور
يا دنيا بغلاف زي الدفتر
مليان ورق كتير ومتسطر
أسماء الناس جواه مكتوبه
وأنتي واقفه وكمان مقلوبه
كنت بين الأسماء ع الورق
مكتوب أسمي بدفتر أتحرق
وأنا ماشي بدور ع الحنان
مش عامل حساب للزمان
مشيت كتير وطالت سكتي
لقيت الحزن مالي دنيتي
نفسي أفرح زي باقي القلوب
وتقليلي أني لسه مكتوب
منور بين السطور أسمي
وجانبه صوره من رسمي
حياتي مش واقفه علي باع
ولا كمان أساليب الخداع
حتى لو أوجاعي بتكبر
وما يهمنيش اللى يتغير
هأعيش بقلب صافي كبير
ومش هأستسلم للتغيير
بس أكتبيني بين السطور
وأنا متواضع مش مغرور
بقلم حسام عماره
ليست هناك تعليقات:
إرسال تعليق