شوف قسوة الأيام ع الأم وأبنها
بعد تسع شهور كان جنب قلبها
وفصاله في عامين زي ما قال ربها
وف لحظة غاب ضناها ولا عدشي جنبها
وبعد ما كانت له زاد شيلاه في حضنها
بقى شجرة على قبر تسقيها بنفسها
وكل يوم تتمنى قبره يكون قبرها
كفي يا أمي عن البكاء
كنت ليكي في الدنيا السند
وفي الآخرة راح اكون ضياء
كنت فرحي وكنت عيني
كنت برويك من حنيني
لاجل تكبر
وأما اكبر تيجي تراعيني
رحت قبل ما تعرف قد ايه أنا كان حنيني
رحت قبل ما تعرف بسمتك كان تداويني
وأما تبكي يا ضنايا قد ايه انا كان آنيني
كنت فرحي وبسمتي وقمري في ليلي
كنت حاسس والله يامه ساعتها بيكي
وكنت بشتاقلك لما تديني لابويا يوم بايديكي
افرحي ياما خلاص كنت في الدنيا عنيكي
وفي الآخرة أنا مستني يامه امسك ايديكي
............................محمد مقيبل حمد
ليست هناك تعليقات:
إرسال تعليق