&& أنا أبن الأنين && بقلم / محمد العربي

===((أنا أبن الأنين))===
===============
 

أنا أبن الأنين والألم و الدمعات
أنا أبن العذاب والنوح و الأهات
أنا اللي ليلي ونهاري طير مدبوح
صوت لو يبوح ينطق سُكات
أنا اللي أنيني رَوَى عيني
بطعم ولون الممات
أنا أبن الأنين والألم و الدمعات
سيبو الجرح ساكت
سيبوني لحال سبيلي
لو أحكي والله ماساكت
سنين ولا تكفيني
أحزاني ولايوم فاتت
علي حد تاني غيري
أفضفض ليه وأفضفض لمين
وفين هما بس المنصفين
دا اللي باين جوة العين
حاجة وحدة من الحاجات
أنا أبن الأنين والألم و الدمعات
كتر الكلام فالي راح
ولاعمره أبدا يفيد
يذيد بس في الجراح
ويشعلل نار من جديد
سيبوني كدا مرتاح
طول عمري وأنا وحيد
ياما قولنا وياما حكينا
ولا سمعو هما يوم لينا
جرحنا روحنا بأيدينا
ولاخدنا غير ندم و متاهات
أنا أبن الأنين والألم و الدمعات