&& لما الدنيا بتحلى && بقلم / حسن المصرى

(لما الدنيا بتحلى)
تعال ياحضرة
الدكانة اهى فتحت
اتنفس تنفيسة
خدلك ترويشة
نفسين م شيشة
ادخل يا عليوة
تعال يا حبيشة
اسكت يا واد انت
بلا هيصة اونطة
تكتب ال كلمة
بلا قلة زمة
روح نام ع الدكة
وان كنت عايزنا
روح طوح كتبتك
من جوة الشنطة
واملاها بكيفك
وكيفك دا مزاجنا
واحنا يدوب روقنا
من راحة بالنا
وبالنا اهو بيطير
مع عقل العصافير
من لحظة تفكير
وكلام كان بيريح
ال ضميرنا كتير
وضميرنا بترتاح
مع شد النفسين
بريحة التفاح
والعقل ساعتها
بيضحك للدنيا
وهى ف قلب هدومها
تاخد بالها وتكتب
ف لحظة دوخانها
ال ف تاريخ ميلادها
تقلع ف خمارها
تقلع ف هدومها
ما اهو اصل القعدة براح
والمخ بيسلطن
لما الدنيا بتحلى
ولما بتبقى سداح