فى حب مصر عمل
ممزوج بيت القصه والشعر وتارك التقيم لحضراتكم والتسميه مانوعيه هذه الاعمال
عمل أم الشهيد
,,,,,,,,,,,,,,,,,,,,,
عمل أم الشهيد
,,,,,,,,,,,,,,,,,,,,,
الراواوى
,,,,,,,,,,
بلدى ياسكنه الوريد كالدم فعروقى
عاشق ترابك وحسنك بوصفه أيات
فيكى الهرم والنيل مناره الحضرات
وفيكى أحمس ومينا وزيهم أولفات
وفيكى الشباب وهبين لأروحهم
واقفين متحدين زى الصفوف بثبات
رجال بواسل أسود ولا عمرهم خافو
طول الحيات من الموت أو أى صعب أت
بلدى وهبناكى الأمل وعلى الجبين علامات
,,,,,,,,,,,,,,,,,,,,,,,,,,,,,,,,,,,,,,,,,,
دوار العمده وعامل التلفون
,,,,,,,,,,,,,,,,,,,,,,,,,
الو مين بيتكلم المركز أيوه يامركز
فيه أيه أشاره أه طيب قول ياسيدى
الاشاره أيه ياسنه سوخه ممدوح السيد على مات
ازاى الكلام ده طبعنا حبلغ أهله وأقول أيه
الدوام والبقاء لله
ياشيخ الغفر ياشيخ الغفر ألحقنى فيه مصيبه سوخه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
شيخ الغفر
,,,,,,,,,,,,,,,,,,,
فيه أيه ياغفير مالك مرعوب ليه
أيه حرى وصوتك عالى ليه العمده نايم
ولو صحى حيخلى يومك أسود
,,,,,,,,,,,,,,,,,,,,,,,,,,
الغفير
,,,,,,,,,,,,,,,,,
يخليه مطين أنا راضى بس فيه مصيبه
عارف الواد ممدوح بن الحاج سيد على مات
أنقتل هوه وخمسه وعشرين واحد معاه
كتفوهم وضربوهم بالنار
,,,,,,,,,,,,,,,,,,,,,,,,,,,,,,,,
شيخ الغفر
,,,,,,,,,,,,,,,,,,
هوه ده حالك يابلدى كل يوم بيروح شهيد
لما نفرح نص ساعه يرجع الحزن جديد
ساقيه دايره أو رحايه تطحن الغلبان قوام
كنتى قاسيه على الغلابه زى نار بتفل الحديد
أه ياجرحى واللى صابنى فمهجتى على الشهيد
حسره سكنت القلوب وخوف على الطفل الوليد
لما بركان ينفتح الضحايه هيه أحنا
الغلابه بتتحصد والشيطان فرحان سعيد
ياحضرت العمده الحق ياعمده كارثه
,,,,,,,,,,,,,,,,,,,,,,,,,,,,,,,,,,,,,,,,,,,,,,
العمده
,,,,,,,,,,,,,,,,
قول يابومه أكيد فيه مصيبه
أنا سامع فيه زعيق على أيه
,,,,,,,,,,,,,,,,,,,,,,,,,,,,,,,,,,,,
شيخ الغفر
,,,,,,,,,,,,,,,,,,,,
الواد ممدوح الطيب مات أتقتل ياعمد ه
ومعاه كمان أربعه وعشرين واحد
,,,,,,,,,,,,,,,,,,,,,,,,,,,,,,,,,,
العمده
,,,,,,,,,,,,,,,,,,,
قولت أيه ممدوح مات أتقتل روح بلغ أهله
ولم الغفر أكيد البلد حتولع وحيموتو الآخوان اللى
هنا هيه مصايب وأنا حعمل أيه بس يارب
أقلك ربنا يصبر أمه الطيبه وأخواته الواد يتيم
أبوه لسه ميت يدوب من شهرين
,,,,,,,,,,,,,,,,,,,,,,,,,,,,,,,,,,,,,,,,
منزل الشهيد
,,,,,,,,,,,,,,,,,,,,
صراخ وعويل والأم تخرج بثبات
فيه أيه الولد مات مين اللى مات
ممدوح وليدى وضى عينى والفؤاد
أرجع ياواد يالى رحلت على البعيد
مستنظره يانور عيونى ومحضرالك
لبسك الجديد
جين يقولو قال ايه ابنك شهيد
أرجع لحضنى طيب حقولك كلمتين
طالبه السماح ومش مهم التعب عليك
يارضيعى ياعريسى وفرحتى طول الزمان
تعالى زرنى فالمنام
من أمتى بيموت الشهيد
ولا يغادر المكان
هاتو بدلتو اللى فيها عرقو
ومعطرينها كمان بدمه
أن كان رحل فيها الجسد
هاتو العرق علشان أشمه
طب نفسى أشوفه علشان أضمه
أبنى ووليدى ومهجتى وفرحتى
لوشفتو صورته كنتم رئيتو ضحكتو اللى تسروه
واحد وعشرين سنه كان فرحتى
عريس ومتزين للحوريه ومن ثوانى
راحو يجبوه وحيدفنوه جوى التراب اللى يضمو
راحل وفات الحزن ساكن جوه أمه
يابلسم الروح والضياء يانور عيونى بقى المنى
أموت وأسكن التراب تدفنونى جنبه وأضمه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
مجموعه من الزملاء والضباط
بيحضرو بالجثمان ويقف احد الضبات ويقول
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بدور علي بلدى ومش لقيها
البسمة راحت والدموع
سكنت عنيها
بدور عليكى يا فرحة راحت
من زمان والسواد ملى
نهارها وضحاها
آه ياعمرفداكى عدى
وراح بلاش
آه يا دم سال وروى الارض
والرمل شربه وبلاش
الشهيد صرخته تحت التراب
لما قاتله بدم بارد داس على قبره
وعاش
وصاحب الحق أتمحى واللى ظلمه
بقدمه يخبط من الفرح وقاله
روحت ورحلت وانا اللى باقى
بسولجانه والمملكه كانت كل أمله
عمرى أنا لسه باقى ما انتهاش
وأنتى عمرك ياشهيد أنتهى
أصبح مجرد أسم بيتمحى
وأنا اللى عايش وأنتى ميت وأيه فاضله
آه يا بلدى بيخطفوكى غدارينك
المحسوبية والبلطجية قاتلين ولادك
وأنقتل أجمل شباب علشان عيونك
وبرصاصة كنت بحمى بيها ترابك
يسرقوها ويقتلونى ومش كده
بس حزنى إن دمعك ده اللى صابك
من يناير صبرونى وقالوا
حقك والله جاى
راح يناير ويناير واليوم يناير ف معاده برضو جاى
وهيعملو أجمل حفلات وزيطه
وينسوا حقى اللى ضاع
والخداعين بيحصدوا ف الكراسى
وبعدها الكل ينسى منا أخويه برضو ناسى
ناسى حقى بالخداع
والحسره حسره قلب على اللى ضاع
رحل الشهيد وقاتله لسه بيمتلك فيكى الخداع
الثمن انا اللى دافعه واللى قبض هو اللى باع
,,,,,,,,,,,,,,,,,,,,,,,,,,,,,,,,,,,,
وتذهب الأهالى الى المقابر لدفن الجثمان
ويخرج الشيخ الجليل ليقول كلمات الوداع
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بسم الله بسم شعبك
بسم كل طفل عايش جوى أرضك
بسم كل أم نادت قالت بحبك
ندرت ليكى يابلدى أبنى وسندى
يحمى أرضك يحمى عرضك
تسلم الأيد اللى تزرع وتغذى شعبك
تسلم الأيد الشريفه اللى بتحمى
وصاينه عرضك
يابلدنا ياجميله عمر يوم مافى شئ يضرك
أنتى ضره وأنتى بسمه وأنتى الأمل
يحى شهيدك الى عشانك مات ورحل
وكل قصده أنو يسرك
تسلمى وتعيشى جنه يامصر
والولاد يعلو شأنك
اليوم شهيد بنودعه وكلنا تحت أمرك
,,,,,,,,,,,,,,,,,,,,,,,,,,,,,,,,,,,,
ويدفن الشهيد وترجع شباب القريه
ورجالها الأبطال
ويخرج منهم أحد الشباب وهو شاعر
كتب بعض الكلمات الجميله لرثاء الشهيد
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
تسلم أيديك يابن مصر الحر
ماتخاف عدو ولا محن ف العمر
أبن الرجال وتعاند الآقدار
تحمى التراب وتلبى قوام الآمر
أبنى وأخويه وصحبى وكل شئ ليه
بلدك فعينك صاينها مهماالليالى تمر
ولدى ترابك أمانه تشيلو جوه عينك
وأفدى بحياتك ترابك دى مصر أم الكل
تسلم أيديك يابن بطنى
تسع شهور حملاك
جتنى وليد بعد شوقه وللبلد ندراك
وهباك ياولدى للبلد حامى
وكنت سندى وللزمان شيلاك
تحمى تراب البلد جدع وأنا عرفاك
أبنى وفؤادى رحلت ودمك سال
وعلى رمال العريش أنا دم أخويه هناك
حارب فى رمضان وضحى من قبلك
واليوم بتكمل رسلتو وموت وأنا مشهداك
لفوك بعلم العظيمه وبيه متكفن
نصبين عزاك كلهم وواقفه بتقبل
مبروك عليكى الولد يامصر
راجل يسر العين
وتعيشى حره وأبيه وأبنى التانى هناك
ندرتهم ليكى خمس ولاد خلفى
ولا يعزو عليكى روح يابنى أنا مسمحاك
ولدى بزغروده بتتودع وسبع مدافع بتضرب
تحيه فى يوم مثواك
ولدى رفعت راسى فى عنان السما
شايفه الملايكه صحبه وأهى محطواك
شهيدى عريس السماء أمانه ف الجنه
تلاقى قبلك حبايب بلغ سلامى هناك
لو شفت سيدى النبى بلغوه وقوله
قولو ياسيدنا النبى أمى بتقولك
صابره على فراق الغالى وأتمنى
يكون شفيعى معاك
صبره للرحيلك ياولدى وما تعظم على بلدى
ولو كنت أقدر كنت حملت السلاح وياك
مبروك ياولدى الشهاده يابطل
روح يابتى أنا مسمحاك
مت وفرائك حيوجعنى
كان نفسى أكون وياك
,,,,,,,,,,,,,,,,,,,,,,,,,,,,,,,,,,,,,,
وتقف الشباب والاهالى تقول
يا أغلى أسم فالوجود يامصر
يا أسم مخلوق للخلود يامصر
نعيش لمصر ونموت لمصر
مصر مصر تحيا مصر
,,,,,,,,,,,,,,,,,,,,,,,,,,,,,,,,,,,,,,,
ويخرج الراوى من جديد
,,,,,,,,,,,,,,,,,,,,,,,,,,,,,,,
أدى حكايه بطل زيه كتير الفات
من عهد أحمس ومينا لحد اليوم
فى كل يوم مننا شهيد وعريس
شباب كتير ماتت كانو شهدا
راضين وحابين ورضيو تعيشى أنتى
والأسم يعلى يابلدى وتبات بتتهنى
بلدى الروح فداك وهبناها
وكل منانه من الله وطمعنا فالجنه
وتعيش يا أغلى وطن مناره وفنار
تهدى الشريد مننا وتفكرو بالحب
وتقلو عود للدفى ليه راضى تستنى
أجمل كلامى حروف أسمك
م وصاد وراء هما حروف أسمك
يا مصر يا أم للدنيا
,,,,,,,,,,,,,,,,,,,,,,,,,,,,,,,,,,,,,,,
وينزل الستار وينتهى العمل بتوفيق الله
من تأليف الشاعر
عبدالواحد محمد
ليست هناك تعليقات:
إرسال تعليق