الستات جننونا
الستات جنـــنونا
ريحناهم تعبــونا
فرحناهم زعلونا
طلعو عينا
وعيــــــن ابونا
بنظرة واحدة دوخونا
وبدحكة جميلة دوبونا
وبرقت كلامهم سهرونا
الستات جنـــنونا .... طلعو عينا وعيــــــن ابونا
فــى الخطـــوبة بتكــون قمـــريـــن
ضحكة جمـــيلة علـــــى الخديــــن
تداوى جـــرح ايـــــام وسنيــــــــين
وبعد الجواز
عايزة جاز
بتلاقى جنـبك عــــــــم حســـــين
تندم على اختيارك
وماتصدقش اللى جراك
وعقلك يتــوة شمـــــال ويمـــــين
وتنســــى حتــــى انــــت ميــــن
الستات جنـــنونا .... طلعو عينا وعيــــــن ابونا
وكــــأن عنـيك كـــانو متغميــين
اما اخــــترت ســــت الحلويــــن
ويفــــــر منــك دمـــع العـــــــين
وتعيش عمرك مكـسور وحزين
الستات جنـــنونا .... طلعو عينا وعيــــــن ابونا
يارب حــــــــوش
دول وحــــــــوش
مابيزعلــــــــوش
مابيرحمــــــوش
يصحو من النوم
شعرهم منكوش
لو ليها جنية
تموت علية
ومـــاتسبــــــوش
ساعت المشاكل
مـــابيتفهمـــوش
الستات جنـــنونا .... طلعو عينا وعيــــــن ابونا
دايما نكدية
وكمان عصبية
وقوية ومفترية
تكون رقيقة
ادام فيلم او تمثلية
الستات جنـــنونا .... طلعو عينا وعيــــــن ابونا
وياسلام لـــو مسلســـل تركــــى
تفضـل تشــرح عليــــة وتحكـــى
وتعرف امته تكون شريرة
وتعرف امتة تكون مسكينة
تكون غلطانة وبســـرعة تبكــى
وشرق وغرب تجرى وتشكــــى
الستات جنـــنونا .... طلعو عينا وعيــــــن ابونا
وتقول معشتش مع جوزى رومنسية
ولا يوم حبنى ولا قالى لافلى ولا خاف علية
وكاتمة فى قلبى ومتحــــملة وصابرة علية
ومــدارية
وهيا اصـلا رئيسة عصــابة وبتخطـــط وبتدبر
للحــرمية
الستات جنـــنونا .... طلعو عينا وعيــــــن ابونا
تقـــول انا كيوت ورشيقــة جــدا زى الدبــــوس
وكرنبتين تلاتة وقفص عيش فى بطنها محبوس
تنفض مــــن جيبــك اول بأول كـــل الفلــــوس
وفــــى رمضــــان نــغة جـــدا عايــزة فانـــوس
وكأن اللى اتجوز بيــحلم وعايش فى كابـــوس
الستات جنـــنونا .... طلعو عينا وعيــــــن ابونا
وتموت فى الميك أب
وترســـم عليــك دور الحــــب
وقــال اية مفيش غـــيرك فى القلــــب
واول مشكلة تقول دا موتنى و هرانى ضرب
وفضحتك تبقى بجــلااجل وسيرتك تسمــع شرق
وغـــرب
الستات جنـــنونا .... طلعو عينا وعيــــــن ابونا
تحب النميمة
على كل الناس
ستات مكارة و لئيمة
مليانة وسواس
تقطع فروة
الناس وخـلاص
تقولها كفاية يافهيمة
تقولك دنا كلى حمـــاس
ومليانة طيبة
ورقـــــة واحســــاس
وصوتها اصلا
زى النسناس
حكاوى المسطبة
عندها هواية و اساس
لو زعلتهم
يقطعوك فى اكياس
الستات جنـــنونا .... طلعو عينا وعيــــــن ابونا
لازم تحترمهم
وبالحنــــــية تكلمـــهم
ووحـــدة واحـــــــدة تفهمـــــهم
لو قولت كفاية حـرام تنكوى بنارهــــم
تخســـر نفســـك وتنسى اسمك ولا تخســـرهم
الستات جنـــنونا .... طلعو عينا وعيــــــن ابونا
الستات مش عايزة كلام
فى ذكاء ميسى وقوة فاندام
الستات
دول عصابات
دول رجالة فتوات
ناقصهم بس
دقــــــن وشنــبات
الستات جنـــنونا .... طلعو عينا وعيــــــن ابونا
شريرين جدا
ونكديين جدا
دا خلو الديك
يبطل يدن
بس طيبين
وكمان حنينين
فيهم رقة وكيوتين
ضحكتهم تفرح المسكين
وتروى العطشان لوكان حزين
الستات جننونا
الستات جننونا
عن اصحابى اتحدث
تأليفى *** اسامة جمال*** حلوان**
ليست هناك تعليقات:
إرسال تعليق