&& أنا فرحان && بقلم / إبراهيم فهمى

أنا فرحان
،،،،،،،،،،،،،،،،،،،،
ورِجْعتْ تانى تضحك لى
تقول لى كلام تمنّيته
يهمس مره فى ودانى
بكلمة حب أو أشواقْ
تقول لى : حبيبى .. ليه تبعدْ ؟
وأنا منّك
أنا نبضه بتسرى فى كل تكوينك
أنا فرحه ما شوفتش زيّى فى سنينك
أنا حِلمَك
أنا عِلمَك
ولو تنده لى راح أجيلَك
وادوب من فرحتى بيها
واشوف الدنيا بعينيها
والاقى الفرحه تمحي لى
سنين الدمع والأحزانْ
واقول عطشانْ
لحب الدنيا يروينى
ينسّينى
همومى زمان
م انا إنسانْ
بمر بِهَمْ ف الدنيا
وتيجى الفرحه
لو ثانيه
اقول معرفتش الأحزانْ
آه يا حبيبتى
لو شايفه
ورود قلبى بتفتّح على سيرتك
وأسراب الطيور طايره تشيل صورتك
وعطر جميل يفوح مع كلمتك ليّا
حبيبى
أغوص وادّارى فى نحيبى
واغمّض عينى واتبسّمْ
وأنا ذكرى الكلام بينّا
بتجبرنى أكون فرحانْ
ما دام فى نهاية المحنه
أشوف بيكى الهنا ألوان
وأنسى الآهه والحرمان
أنا فرحان ،،،،،،،،