.................. إنسان بسيط عادي .................
...........................................................
بعفويه في إيده رغيفه
بيدور علي غموسه
أي لقمه تروي جـــوفه
وممكن حاف يدوسه
وكوبايه تعدل كيفه
وربنا أعلم بظروفه
واقف في الصورة متعفر
لا إتسبسب ولا إتغندر
البساطه بتشع منه
والبسمه علي شفايفه
بتتكلم بـــــدلا عنه
كل واحد فينا عارفه
وفي كل مكان شايفه
وجــواه الإبتســـامه
بتنــور الدنيا قــدامه
تلقاه في كل وادي
إنسان بسيط عادي
عايش علي الهامش
قلبه أبيض شفاف
عايز آمن وسلامه
في الحق ما بيخاف
إلا من النفس اللوامه
أتربي علي الأصول
يراعي كل جيرانه
في وقت الجد غول
وبسمته هي عنوانه
.......................................................
.......... إحساس الشاعر/ حسـن الشـوان ..............
ليست هناك تعليقات:
إرسال تعليق